წესები და პირობები

ინფორმაცია მოვაჭრის შესახებ: შპს „ახალი გუსტავი“

საიდენტიფიკაციო ნომერი: 404569070

საკონტაქტო ნომერი: 555 22 55 66 / 032 2 42 22 66

მისამართი: ქ. თბილისი, მთაწმინდის რაიონი, ნ. ჟვანიას ქუჩა, N6, ბინა 22.

ფაქტობრივი მისამართები ქ. თბილისში: 

მ. ასათიანის N5.

წყნეთის გზატკეცილი N41.

ი. აბაშიძის N69.

   შპს „ახალი გუსტავი“ (შემდგომში - „გუსტავი“) მოხარულია გაგიწიოთ რეცხვისა და წმენდის სერვისი ქვემოთ მოყვანილი პირობების შესაბამისად. დეტალური ინფორმაცია სერვისებისა და ფასების შესახებ შეგიძლიათ მიიღოთ დახლთან. გუსტავის სერვისებით სარგებლობისას მომხმარებელი ეთანხმება ქვემოთ მოყვანილ წესებსა და პირობებს.

 

მოვაჭრის უფლებები და ვალდებულებები

გუსტავი წმენდა/რეცხვის განხოციელებისას ხელმძღვანელობს ნივთზე არსებული ინსტრუქციის (იარლიყის) მიხედვით.

სტანდარტულ შემთხვევებში ნივთის წმენდა/რეცხვის ვადაა მისი ჩაბარებიდან 3 დღე.

არასტანდარტულ შემთხვევებში ნივთის წმენდა-რეცხვის ვადა მისი ჩაბარებიდან 10 დღე(მომხმარებელთან შეთანხმებით).

იმ შემთხვევაში თუ ნივთს არ ერთვის ინსტრუქცია (იარლიყი), ხოლო გუსტავს არ აქვს აღნიშნული ნივთის/მატერიის რეცხვა/წმენდისთვის აუცილებელი ცოდნა, იგი უარს აცხადებს მომსახურების გაწევაზე.

გუსტავი იტოვებს უფლებას უარი თქვას ნივთის გარეცხვა-გაწმენდაზე.

გუსტავი წინასწარ აცნობებს მომხმარებელს იმის თაობაზე, რომ არ იძლევა გარანტიას ლაქების ამოყვანაზე და მხოლოდ მისი თანხმობის შემთხვევაში ჩაიბარებს ნივთს წმენდა/რეცხვისთვის.

გუსტავი არ აგებს პასუხს რეცხვა/წმენდისთვის მიღებული ნივთების ჯიბეებში არსებული ფულის, სამკაულის ან სხვა, დაკარგვა/დაზიანებაზე.

თქვენს მიერ წმენდა/რეცხვისთვის ჩაბარებული ნივთის დაკარგვა/დაზიანების შემთხვევაში, „გუსტავი“ იღებს ვალდებულებას, სერვისში გადახდილი თანხიდან გამომდინარე, აანაზღაუროს ზარალი საქართველოს მოქმედი კანონმდებლობის შესაბამისად.

გუსტავი უფლებამოსილია საქველმოქმედო მიზნებისთვის გაასხვისოს ან გაყიდოს ნივთები, რომლებიც მომხმარებელმა დატოვა და არ წაიღო ბილეთში მითითებული თარიღიდან 6 კვირის მანძილზე.

მომხმარებელი ვალდებულია ადგილზე შეამოწმოს/დაათვალიეროს მიღებული ნივთი.

მომსახურების ფასი მოცემულია და ანგარიშსწორება ხდება ეროვნულ ვალუტაში. მომსახურების ღირებულების გადახდა შესაძლებელია საბანკო პლასტიკური ბარათით.

გუსტავი უფლებამოსილია შეცვალოს მომსახურების ფასები, რის შესახებაც დაუყოვნებლივ ეცნობება მომხმარებელს. ფასის ცვლილება არ გავრცელდება უკვე მიღებულ შეკვეთებზე.

ყოველი დავა მომხმარებელსა და გუსტავს შორის უნდა გადაწყდეს საქართველოს კანონმდებლობის საფუძველზე.

 

მომხმარებლის უფლებები

თუ მოვაჭრე მომხმარებელს არ გაუწევს ხელშეკრულების პირობებით გათვალისწინებულ მომსახურებას:

მომხმარებელმა ხელშეკრულებით გათვალისწინებული ვადის გადაცილების ან ნაკლის აღმოჩენის შემთხვევაში მოვაჭრეს უნდა განუსაზღვროს მომსახურების გაწევის/ნაკლის აღმოფხვრის გონივრული დამატებითი ვადა, გარდა იმ შემთხვევისა, როდესაც ეს, მომსახურების ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:

ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;

ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;

გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

დამატებითი ვადის უშედეგოდ გასვლის შემთხვევაში მომხმარებელს უფლება აქვს:

ა) მოვაჭრის ხარჯით მომსახურების გაწევა ან ნაკლის აღმოფხვრა სხვა პირს შესთავაზოს;

ბ) მოითხოვოს მომსახურების ფასის ადეკვატური შემცირება;

გ) უარი თქვას ხელშეკრულებაზე და მოითხოვოს ზიანის ანაზღაურება საქართველოს კანონმდებლობით დადგენილი წესით.

დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება მომსახურების დროულად მიღებას დაუკავშირა.

თუ მოვაჭრემ დროულად არ დაიწყო მომსახურების გაწევა ან მომსახურების პროცესი უსაფუძვლოდ ჭიანურდება, რაც მომსახურების დათქმულ ვადაში გაწევას შეუძლებელს ხდის, მოვაჭრეს არ აქვს უფლება, მოითხოვოს მომსახურების პროცესში გაწეული ხარჯების ანაზღაურება, აგრეთვე გაწეული მომსახურების საზღაური, თუ მომხმარებელმა ხელშეკრულების ნაწილობრივი შესრულებისადმი ინტერესი დაკარგა.

მომხმარებელს უფლება აქვს ისარგებლოს „მომხმარებლის უფლებების დაცვის შესახებ“ საქართველოს კანონის მისთვის მინიჭებული უფლებებით, მისი უფლების დარღვევიდან 2 წლის განმავლობაში.

 

ფორს-მაჟორი

არც ერთი მხარე არ აგებს პასუხს ნაკისრი ვალდებულების მთლიანად ან ნაწილობრივ შეუსრულებლობისთვის, თუ შეუსრულებლობა გამოწვეულია სტიქიური და ტექნოლოგიური კატასტროფებით, ხანძრით, საომარი მოქმედებით, სამთავრობო გადაწყვეტილებებით, ეს მოვლენები დაიწყო ან განვითარდა შეკვეთის შეძენის შემდეგ.

თუ ჩამოთვლილი გარემოებებიდან უშუალოდ რომელიმე მოქმედებს მხარის მიერ ნაკისრი ვალდებულებების წინამდებარე სამომხმარებლო წესებისა და პირობებით განსაზღვრული შესრულების ვადაზე, ეს ვადა გაგრძელდება დაუძლეველი ძალის გარემოების მოქმედების ხანგრძლივობის შესაბამისად.

მხარე, რომელსაც წამოეჭრა დაუძლეველი ძალის გარემოება, ვალდებულია ასეთი გარემოების, მისი შესაძლო ხანგრძლივობისა და შეწყვეტის შესახებ შეატყობინოს მეორე მხარეს.

შეტყობინებაში ასახული ფაქტები დადასტურებული უნდა იყოს შესაბამისი რეგიონის სავაჭრო, სამრეწველო, ან სხვა კომპეტენტური ორგანოს მიერ.

შეუტყობინებლობა ან დაგვიანებით შეტყობინება უფლებას ართმევს მხარეს, გამოიყენოს ზემოთ მოყვანილი დაუძლეველი ძალის მოვლენები პასუხისმგებლობისგან განთავისუფლების საფუძვლად.